1. Alfabé¶

Kréyòl pa ka sévi épi tout alfabé laten la. Ni dé lèt nou pa sèvi épi-yo : Q é X. Lè nou ka klasé mo, nou ka suiv alfabé-lasa.

A B C D E F G H I J K L M N O P R S T U V W Y Z

Maké a kréyòl Gwadloup bazé asi on sistèm fonétik. Mi, pou chak son nou ka tann, ki jan nou ka maké-y.

Son	maké	Majiskil	Kon adan
[a]	a	A	bata, féba
[ã]	an	An	van, mòdan
[b]	b	B	bidon, boukèt
[∫]	ch	Ch	chans, chapo
[d]	d	D	davwa, rèd
[ɘ]	e	E	Desekede
[e]	é	É	bésé, éléfan
[ɛ]	è	È	mèsi, pèsé
[ɛ̃]	en	En	zendyen, pen
[f]	f	F	fòs, foumi
[g]	g	G	gouyav, gal
[ɲ]	gn	Gn	pengn, lankongni
[ʤ]	gy	Gy	gyòk, gyoup
[h]	h	H	hanni, haché
[i]	i	I	initil, bisikèt
[ʒ]	j	J	jiwomon, jounal
[k]	k	K	kalkil, krikèt
[ʧ] /[k+j]	ky	Ky	kyoké, kyansé
[l]	l	L	lélé, lonè
[m]	m	M	masko, milé
[n]	n	N	nas, nivo
[ɳ]	ng	Ng	zingzing
[o]	o	O	loto, liméwo
[ɔ]	ò	Ò	sinobòl, bòskaf
[ɔ̃]	on	On	zonyon, laponp
[u]	ou	Ou	boukèt, wouspèl
[u+n]	oun	Oun	moun, dokoun
[p]	p	P	palapata, pèlpèt
[ʁ]	r	R	rasin, marinad
[s]	s	S	sansi, miskad
[t]	t	T	matété, tiwa
[y]	u	U	lézélu
[v]	v	V	valé, vivan
[w]	w	W	wadi, mawon
[j]	y	Y	mayo, yékrik
[z]	z	Z	zépis, zèb

Lèt ki an italik, sé lèt nou pa ka gyè sèvi èvè-yo.

1.1. Alfabé laten¶

Nou ka sèvi épi tout alfabé laten pou non a fanmi a moun, é non a lari.

Pòl Naprix, konséyé réjyonal

Nou ka mofrazé non a moun ki ka maké épi dòt lalfabé, épi alfabé laten

Vladimiw Poutine, Mwamaw Kadhafi

1.2. Aksan¶

Sèl aksan ki ni sé monté “´” , é désann “`” Kréyòl Gwadloup pa ka sèvi épi pon dòt aksan.

Sèl lèt ki ni aksan :

ò, é, è, à

“à” ka sèvi lè i ni on n dèyè-y, pou diféransyé épi an. Kon adan igwàn, bitàn..